طاجن البامية

المقادير:
1/ 2 كيلو بامية
3/ 4 كيلو لحم ضاني أو بقري
كوب طماطم مقطّعة مكعبات

ملعقة صغيرة كمون
ملعقة صغيرة كزبرة
كوب شوربة أو مَيّه
عصير ليمونة
ملح وفلفل
3 ملاعق كبيرة صلصة طماطم
2 فص ثوم مفروم
2 بصلة مفرومة

الطريقة:
1- أول حاجة هتعمليها إنك تشوّحي مكعبات اللحمة في شوية زبدة أو زيت لمدة 10 دقائق لحد ما لونها يبقى بني.

2- بعد ما اللحمة تتشوّح، شيليها من الطاسة، وحطّي مكانها البصل المفروم وشوّحيه شوية لمدة 8 : 10 دقائق.

3- بعد كده حطّي الثوم المفروم والكمون والكزبرة والطماطم وصلصة الطماطم والشوربة، وقلّبيهم كويس.

4- وبعدين رجّعي اللحمة تاني مع البصل وتبّليها بالملح والفلفل الأسود.

5- غطّي الطاسة وحطّيها في الفرن على درجة حرارة عالية لمدة 1/ 2 ساعة لحد ما السائل يجف منها.

6- في الوقت ده شوّحي البامية في زيت أو سمنة، لمدة 3 دقائق.

7- طلّعي الطاسة من الفرن، وحطّي البامية عليها من فوق ورشّي عليها عصير الليمون.

8- غطّي القالب ودخّليه الفرن مرة كمان لمدة 35 دقيقة، وممكن تزوّدي شوربة أو ميّه لو حسّيتي إنها جافة أوي، وبعد ما تحسي إن البامية استوت وتشرّبت تماما من الصلصة، طلّعي القالب من الفرن وقدّميه ومعاه عصير الليمون